alfieri-concept-car

Мазерати ағайындыларының ішінде ең танымалдысының құрметіне аталып, 2014 жылы көпшілікке таныстырылған Alfieri концепциялық автокөлігі брендтің жүзжылдығын атап өту үшін арнайы жасап шығарылды.

2014 жылы Женевадағы автомобиль көрмесінде жарияланған Alfieri автокөлігі — жай ғана концепция емес. Ол — жар салып айтылған мәлімдеме. Ол Maserati-дің түптеп келгенде спорттық автокөліктерді шығаратын компания екенін дәлелдеп қана қоймай, Maserati-дің жарыстық мұрасын жалғастырып келеді.

Alfieri мүсіншілері

Терең, ішке кіріңкі тордың астында үйреншікті хромдалған жиек жоқ болғандықтан, ол ауада қалғып тұрғандай көрінеді. Терезе аймағы таза, артқы бөлігінің бұрыштары қиылған. Марко Тенконенің айтуынша, итальяндық дизайн мен неміс дизайнының арасындағы айырмашылық осындайда анық көзге түседі. «Автокөліктің артқы бөлігінде, дөңгелектің артында онша көп металл болмауы керек. Бұл жайдан-жай ойлап шығарылған идея емес. Осылайша [of the shapes] көлемімен осындай қулықтар жасау нағыз итальяндық автоөндірушілерге тән қасиет. Итальяндық автоиндустрия [shapes] ерекшеліктерімен түрлі айла-шарғылар жасай отырып, автокөлікке салмағына қарамастан әрдайым жеңіл кейіп беруге ұмтылады.» Сондай-ақ ол неміс дизайнерлерінің сұсты, алпауыт автокөліктерден мін іздей бермейтінін атап өтті. Ал итальяндықтар, керісінше, «жеңілдік пен дизайнға көп мән береді, сондықтан біз домалақ және шаршы пішіндердің арасында тепе-теңдікті табуға ұмтыламыз. Мұның бәрі машинаға салмақтылық бермеу үшін жасалады. Байқасаңыздар, итальяндық дизайндағы автокөліктердің көбі ірі емес, жинақы келеді.»

«Мен қазіргі заманның интерьерлерінде жаппай кездесетін технологиялық жетістіктерге онша қызыға бермеймін. Біз артық ештеңесі жоқ, қарапайым интерьер жасағымыз келген болатын. Нәтижесінде бәрі ойымыздағыдай шықты. Бүкіл интерьер іс жүзінде тұтас бір құрамдас тәрізді. Ішінде бірде-бір артық нәрсесі жоқ.» Лоренцо Рамачиотти

«Бізде машина жасаудың қандай да бір рецептісі жоқ. Әр жолы жаңа модельді ойлап шығарған кезде, бұл бір қызықты шытырман оқиға сияқты өтеді. Нәтижесінде нақты қандай автокөлік шығатынын білмесек те, біздің ең басты мақсатымыз спорттық автокөлік жасау екенін біз ешқашан естен шығармаймыз.» Марко Тенконе

Alfieri

Жай ғана ат емес

Шабыт

Alfieri — A6 GCS моделінің жай ғана жаңғыртылған нұсқасы емес, ол A6 GCS рухын жаңа, заманауи интерпретацияда көрсететін қарапайым, ықшам әрі қаһарлы модель. Нәтижесінде жай ғана ретромобиль емес, кешегі күннен шабыт ала отырып, болашақтағы Maserati дизайнының рухын жеткізе алатын автокөлік пайда болды.

Көптен күткен қайта өркендеу

Орындықтар, аспаптар панелі және орталық консоль былғарымен қапталған. Беріліс қорабының тетігі және сағат сияқты кейбір элементтер тұтастай алюминий бөліктерінен ойып жасалған. Кейбір бөлшектерінде A6 GCS моделімен айқын байланыс байқалады: мысалы, есіктердің ортасына жеткенде бір-ақ аяқталатын ұзын алдыңғы бампер және қиылған артқы бөліктің жеңілдігі. Алайда Maserati брендінің бұрынғы жарыс мұрасын еске алу үшін жасалған бұл концепция Maserati-дің шығарған бірде-бір туындысына ұқсамайды.

Жобалау процесі

Альфьери деген аттың астарында не жатыр?

44 жасында қайтыс болмаса, Альфьери Мазератидің аты жер жарар ма еді, кім білсін. Дүниеден мерзімінен бұрын озған Альфьери автоиндустрияның ең дарынды өнертапқыштарының бірі болуға лайық болды. Оның компанияның негізін қалауға қосқан үлесі мен алғашқы 18 жылдық басқару барысында сіңірген еңбегіне баға жетпейді. Сондықтан да Maserati компанияның жүзжылдығына орай 2014 жылы Женевада өткен автомобиль көрмесінде атаулы концепциялық автокөлікті жариялауды жөн көрді.

Қолтаңба

Альфьери 1914 жылдың 1 желтоқсанында, сейсенбі күні «Officine Alfieri Maserati» деген атаумен жақында ашылған шеберханасы үшін ресми түрде лицензия сұрап толтырған бір беттік бланкке қол қойған болатын. Бұл құжат кейіннен сканерленіп, Альфьеридің қолтаңбасы өңделіп, соның негізінде логотип жасалған болды. Maserati-дің концепциялық автокөлік стиліне жауапты Centro Stile бөлімі логотипті көк түске өзгертті — ол әлі күнге дейін Maserati-дің фирмалық түсі болып табылады.

Alfieri концепциялық автокөлігі

Alfieri

Жобалау процесі

2014 жылдың жаңалығы